Նիկոլ Փաշինյան․ Ով օրենքը խախտի, նա կենթարկվի պատասխանատվության օրենքի ամբողջ խստությամբ, թեկուզ հարազատ եղբայրս լինի

«Ես ԱԺ ամբիոնից հայտարարել եմ, որ եթե հարազատ եղբայրս լինի և օրենքի գիծն անցնի, ինքը կենթարկվի պատասխանատվության,- այսօր տեղի ունեցած ասուլիսում հայտարարել է ՀՀ վարչապետ Նիկոլ Փաշինյանը:

«Եվ Պետական վերահսկողության ծառայությունում, որը վարչապետին ենթակա մարմին է, տեղի ունեցածը շատ հստակ ուղերձ էր, որ ես որևէ կոռուպցիոն երևույթի հետ չեմ պատրաստվում համակերպվել:

Չկա այնպիսի հանգամանք, որ ինձ կստիպի դրա հետ համակերպվել, բայց քրգործ է հարուցված, ընթանում է նախաքննություն և ոչ մեկի անմեղության կանխավարկածը պետք չի խախտել, բայց որ նման իրավիճակներ կարող են լինել որևէ մեկը թող չզարմանա:

Ես ընտրվել եմ վարչապետ և պատասխանատվություն ունեմ միայն ժողովրդի առջև: Ոչ մի անձի կամ խմբի հանդեպ պարտավորություն չունեմ: Մեր ժողովրդի որոշման արդյունքում եմ ես դարձել, ոչ թե ինչ-որ մարդիկ խմբերով որոշել են օգնեն:

Ոչ Հայաստանի ներսում, ոչ Հայաստանից դուրս ես ոչ մի պարտավորություն չունեմ: Իմ միակ պարտավորությունը ժողովրդին ծառայությունն ու օրինականությունն է»,-նշել է վարչապետը:

Աղբյուր՝ armlife.am

Жми «Нравится» и получай только лучшие посты в Facebook ↓

Նիկոլ Փաշինյան․ Ով օրենքը խախտի, նա կենթարկվի պատասխանատվության օրենքի ամբողջ խստությամբ, թեկուզ հարազատ եղբայրս լինի
error: Content is protected !!