Անդրանիկ Հարությունյան․Փաշինյանի վարկանիշը ֆեյքերն են փորձում գցել

«20-25 տարի առաջ քանդածը հնարավոր չէ մեր երկրում միանգամից վերականգնել: Քաղաքական դաշտը ես նմանեցնում եմ թատրոնին: Ինչպես որ ռեժիսորը, դերասաններն են ամիսներով աշխատում ներկայացման վրա, որպեսզի գոհացնեն հանդիսատեսին, այնպես էլ ղեկավարությունն է աշխատում: Երկուսն էլ ժողովրդի համար են աշխատում, պարզապես թատրոնը՝ 300 հոգու համար, ղեկավարությունը՝ 3 միլիոն հոգու: Տարիներ են պետք, որպեսզի ղեկավարության աշխատանքի արդյունքը ճաշակենք: Ամեն դեպքում, համոզված եմ, որ ապագան լուսավոր է լինելու»,-«Ժողովուրդ» օրաթերթի հետ զրույցում նման կարծիք հայտնեց դերասան Անդրանիկ Հարությունյանը՝ անդրադառնալով ներկայիս իշխանության գործելաոճին եւ հանրային պահանջին:

Մեր դիտարկմանը, թե ակտիվ կերպով հակաքարոզչություն է տարվում եւ փորձ է արվում ամեն կերպ ներկայացնել, որ վարչապետ Նիկոլ Փաշինյանի վարկանիշն այլեւս առաջվանը չէ, դերասանը հակադարձեց. «Չէի ասի: Փաշինյանի վարկանիշը ֆեյքերն են փորձում գցել, իսկ իրականում նա նորմալ դիրքերի վրա է: Բացի այդ, մի բան էլ ասեմ. նորմալ է, որ քաղաքական գործչի վարկանիշը տատանվի, այն չի կարող ամեն պահի իր պիկի վրա լինել»: Անդրանիկը հավելեց, որ ՀՀ կառավարությունից մի ակնկալիք ունի. որ հայ ազգն ապրի բարեկեցիկ կյանքով, որ սոցիալական առումով հավասարություն տիրի երկրում:

Жми «Нравится» и получай только лучшие посты в Facebook ↓

Անդրանիկ Հարությունյան․Փաշինյանի վարկանիշը ֆեյքերն են փորձում գցել
error: Content is protected !!