Մեծանուն հայ կոմպոզիտոր Առնո Բաբաջանյանի ծննդյան օրն է. հայտնի անհայտը

Բուռն, ընտանիքին, կնոջը նվիրված, հետաքրքիր, առանձնահատուկ ու կոլորիտային բառապաշար ունեցող, շրջապատում բարձր տրամադրություն հաղորդող եզակի անձնավորություն… ահա այսպես են հիշում մեծանուն կոմպոզիտորին ընկերներն ու ժամանակակիցները:

Բաբաջանյանական գույնը մինչ հիմա իշխում է հայ երաժշտության մեջ, և ոչ միայն: Բաբաջանյանը ընդունելի և սիրելի է նաև Հայաստանի սահմաններից դուրս:

Նա անշրջելիորեն սիրահարված էր կյանքին, և այդ մեծ սիրուց էլ ծնվում էին նրա երգերը, սրտամոտ ու գեղեցիկ երաժշտությունը: Նա մեղեդու էր վերածում իր շռայլ հոգին: Նա ներկայացնում է մի ամբողջ ժամանակաշրջան երաժշտության մեջ:

Նա ծնվել էր մաթեմատիկայի մասնագետի, ուսուցչի ընտանիքում: Հայրը՝ Հարություն Բաբաջանյանը, մտահոգվում էր փոքրիկ որդու մեծ քթով, որն էլ հետագայում դարձավ հանճարեղ կոմպոզիտորի այցետոմսը:

Առնոն ծնվել էր Լենինի մահվան օրը, ուստի հայրը հետագա խնդիրներից խուսափելու համար հունվարի 21-ը ծննդականում գրել է տալիս հունվարի 22:

Դեռ մանկուց Առնոն ֆլեյտա էր նվագում, իսկ հետագայում դարձավ նաև հրաշալի դաշնակահար, կոմպոզիտոր:

Նրա երգերի առաջին կատարողը Ռաիսա Մկրտչյանն էր: Երգչուհին լավագույնս ներկայացրեց մեծ կոմպոզիտորի երգերը՝ արդարացնելով իրեն ուղղված բոլոր հույսերը:

Կից ներկայացնում ենք նրա մասին պատմող փոքրիկ ֆիլմ, որտեղ նրա մասին խոսում են նրա ընկերները, մտերիմները:

Жми «Нравится» и получай только лучшие посты в Facebook ↓

Մեծանուն հայ կոմպոզիտոր Առնո Բաբաջանյանի ծննդյան օրն է. հայտնի անհայտը
error: Content is protected !!