Գրեթե բոլորն են սիրում կարտոֆիլ։ Այն հեշտ է պատրաստվում և ուղղակի շատ համեղ է։ Եվ ինչն ամենակարևորն է, կարտոֆիլից կարելի է պատրաստել բազամթիվ համեղ ուտեստներ։ Դրանք համեղ են ստացվում անկախ նրանից, թե ինչպես եք դուք այն պատրաստում։ Իսկ ինչ վերաբերվում է կարտոֆիլի ֆրիին՝ այն իսկական հրաշք է։ Ֆրի սիրում են բոլորը։
Որպեսզի հաղորդեն դրան լրացուցիչ համ, մարդիկ հաճախ օգտագործում են այն կետչուպի, մայոնեզի և համեմունքների հետ։ Կարտոֆիլի ֆրին ունի հիասքանչ համ և հետաքրքիր բույր։
Այն փափուկ է ներսից և խրթխրթան արտաքինից։ Սակայն քանի որ այն պատրաստում են մեծ քանակությամբ ձեթով, դրա համար ֆրին շատ վնասակար է առողջության համար։ Մի՛ անհանգստացեք և մի հրաժարվեք ձեր սիրած ուտելիքից, քանի որ մենք ունենք իդեալական լուծում հատուկ ձեզ համար։
Ամենակարևորը այն է, որ կարտոֆիլի ֆրին կարելի է պատրաստել առանց ձեթի որևէ կաթիլի։
Ձեզ հարկավոր է՝
- 5-ից 7 կարտոֆիլ,
- 2 ձվի սպիտակուց,
- մի փոքր աղ՝ ըստ ճաշակի,
- քաղցր կարմիր պղպեղ՝ ըստ ճաշակի։
Պատրաստումը՝
Առաջինը, ինչ ձեզ հարկավոր է անել, դա մաքրել կարտոֆիլը։ Կտրեք այն մանր կտորների։ Այնուհետև հարկավոր է առանձնացնել ձվի սպիտակուցը։ Հարեք այն, մինչև փրփրալը։ Ավելացրեք համեմունքները։
Համոզվեք, որ ամեն ինչ լավ խառնված է։ Հաջորդ քայլը՝ դնել կարտոֆիլը տապակի վրա։ Դուք պետք է տաքացնեք այն ջեռոցում՝ 200-220 աստիճանի տակ։
Թողնել այնտեղ 7-10 րոպե։ Համոզվեք, որ կարտոֆիլի մակերևույթը դարձել է ոսկեգույն։
Միակ բանը, ինչ ձեզ մնաց անելու, այն ուտելն է։ Որպեսզի բարելավվեք համը, դուք կարող եք ավելացնել այն ամենը, ինչ ուզում եք։
